வினையடியாகப் பிறக்கும் ஈரெழுத்துத் தொழிற் பெயர்கள் !
தமிழில் சொல் வளத்திற்குக் குறைவே இல்லை; நிரம்பவே உள்ளன ! ஆழ்ந்து படிக்காததாலும், நுணுகி ஆராயத் தவறுவதாலுமே, கருத்துகளைத்
தெளிவாகத் தெரிவிக்கப் போதுமான சொற்கள் தமிழில் இல்லை எனச் சிலர் குறை
சொல்கின்றனர். குறை அவர்களிடம் தான் உள்ளது; தமிழில் இல்லை ! சொல்
வளத்திற்கு எடுத்துக் காட்டாகச் சில சொற்களும், அப்பெயர் வரக் காரணம் என்ன என்பதும் பின்வரும் பத்தியில்
விளக்கப்பட்டுள்ளது !
-------------------------------------------------------------------------------------
(ஒவ்வொரு வரி இறுதியிலும் “அதன் பெயர்”
என்பதை (இல்லாத இடத்தில் மட்டும்) சேர்த்துக் கொள்க!)
--------------------------------------------------------------------------------------
அடுதல் செய்து தயாரிப்பதால்.....................= அடை (WAFER)
(ஆடுமாடுகளை) கிடத்தி வைப்பதால்.........= கிடை (HERD)
இடுகி (ஒடுங்கி) இருப்பதால்.........................= இடை (WAIST)
(உடலைத்) தொட்டுக்கொண்டு இருப்பது..=
தொடை (THIGH)
உடுக்கப் படுவதால் அதன் பெயர்...................= உடை (DRESS)
(உட்பக்கம்) குடைவாக
இருப்பதால்..........= குடை (UMBRELLA)
எடுத்தல் அளவையால் காண்பது...............= எடை (WEIGHT)
கூடு போல் பின்னப் படுவதால்....................= கூடை (BASKET)
கோடுதல் (வெப்ப எரிவு) செய்வதால்.......= கோடை (SUMMER)
சடைத்துப் (கிளைத்து) பின்னுவதால்.............= சடை (BLAIT)
சூடிக் கொள்வதால் அதன் பெயர்..................= சூடை (HEAD-WEAR)
(தறி) நெட்டிழைக்கு ஊடே
ஓடுவது............= ஊடை (WOOF)
(தறியை) ஆட்டியாட்டி நெய்வதால்............= ஆடை (CLOTH)
நடத்தலால் விளைவது.................................... = நடை (WALK)
(நிறுத்துக்) கட்டி
விற்குமிடம்.........................= கடை (SHOP)
(நீர்) ஓடுதலால்
உருவாவது............................= ஓடை (STREAM)
படுக்கப் (அழிக்க) பயன்படுவதால்................= படை (ARMY)
பீடித்தல் (துன்பம் தரல்) செய்வதால்.........= பீடை (MISERY)
பெட்கப் படும் (விரும்பப்படும்) பறவை...= பேடை (FEMALE BIRD)
மடுத்தல் (தோண்டி)
செய்வதால்...............= மடை (CHANNEL)
மூடி (கட்டி) வைப்பதால்..................................= மூடை (BAG)
மேடாக (உயரமாக)
இருப்பதால்................= மேடை (STAGE)
வடக்கிலிருந்து வீசுவதால்..............................= வாடை (NORTH
WIND)
வட்டித்துச் (வட்டமாக்கி) செய்வதால்.............= வடை (VADAI)
விடுக்கப்படுவதால் (அதன் பெயர்)...........= விடை (ANSWER)
------------------------------------------------------------------------------------
ஆக்கம் + இடுகை:
வை.வேதரெத்தினம்,
(vedarethinam70@gmail.com)
ஆட்சியர்,
“தமிழ்
! தமிழ் ! தமிழ் !” வலைப்பூ,
[திருவள்ளுவராண்டு:
2053, மேழம் (சித்திரை) 19]
{02-05-2022}
-------------------------------------------------------------------------------------
கருத்துகள் இல்லை:
கருத்துரையிடுக